Outor Giovanni Gijsbertha a presentá su buki nobo pa mucha, “E
misterio di maskarada,” awe durante e presentashon di e grupo di maskarada na kas di
Gobernador di Isla John Soleana. E buki a keda presenta oficialmente na Gezaghèber di Boneiru
y na varios persona ku a hunga un rol signifikativo den kreashon di e buki spesial pa mucha.
Durante e presentashon, Gijsbertha a presentá un ehemplar na entre otro Cliff Frans, kende a
inspirá e pa e buki.
Maskarada ta un tradishon úniko i balioso ku ta ankrá profundo den kultura di Boneiru.
E kustumber folklóriko antiguo aki ta parti di Boneiru su identidat kultural. Ku “E misterio di
maskarada,” Gijsbertha ta duna un Kontribushon signifikativo na preservashon y transmishon di
e tradishon aki na generashon nobo. Dor di introdusí muchanan na maskarada pa medio di un
historia emoshonante, konsientisashon kultural i apresio pa e tradishon spesial aki ta keda
fortalesé. E buki bilingual, skirbí na hulandes i papiamentu, ta yuda hóbennan boneriano
komprondé i apresiá nan propio herensia kultural mihó, ku ta importante pa sobrebibensia di e
maskarada komo un tradishon bibu.
Lansamentu Ofisial
E lansamentu ofisial di ‘E misterio di maskarada’ lo tuma lugá djabierne, 2 di yanüari 2026, pa
5:30 PM na Museo Chon Theodora, Kaya Rafaela 21, na Antriol Pariba. E lugá aki no a wòrdu
skohé pa kasualidat: aki ta kaminda e maskarada tradishonalmente ta kaba, kreando un
konekshon simbóliko entre e buki i e tradishon bibu.
Distribushon Gratis pa Skolnan Básiko
Den kolaborashon ku e proyekto ‘Edukashon Kultural Artistiko di Kalidat’ (Edukashon Kultural
Boneiru) Giovanni Gijsbertha lo bishitá skolnan básiko i e instituto edukativo Kolegio Emmy
Schermer na Boneiru riba djaweps 7 di yanüari i djabièrnè 8 di yanüari. Durante e rekorido aki,
tur alumno di grupo 7 y 8 lo risibí un ehemplar gratis di e buki. E kampaña aki ta sigurá ku e
historia di maskarada ta ampliamente kompartí bou di muchanan di skol boneriano i ta kontribuí
na edukashon kultural strukturá na skolnan.