Local

Hospital ya algun tempo den preparacion pa coronavirus

Hohpic

ORANJESTAD,Aruba

Di e momento cu coronavirus a sali den noticia e team di
Hygiëne y Infectiepreventie di Dr. Horacio E. Oduber Hospital di biaha a traha riba un protocol, a
organisa training y tambe simulacro riba e departamentonan concerni. E team di Hygiëne y
Infectiepreventie ta consisti di un arts-microbioloog, un internist-infectioloog y tres expert riba tereno
di Infectiepreventie, Pa loke ta material a traha un lista kico mester y a zorg pa tine na Hospital pa
nos ta prepara si encaso ta necesario. Y no por keda sin menciona e cambernan di isolacion cu
Hospital tin pa asina contene cualkier malesa contagioso. Alabes a hasi un plan pa pa loke ta
ocupación di cama nan pa asina tin suficiente disponibilidad si encaso un pashent (sospecha) cu
coronavirus yega Hospital.
Como specialistanan den prevencion di infeccion nan ta sinta hunto diariamente na unda ta sigui di
cerca tur e desaroyo rond di e coronavirus. E coronavirus ta un virus nobo y pues a actualisa e
protocol, basa riba recomendacion internacional, si en caso cu un of mas pashent presenta y mester
wordo admiti cu sintoma nan di coronavirus. E personal di Hospital ya caba tin experiencia y ta
capacita pa trata pashent nan cu malesa contagioso. Sinembargo e personal di Hospital a haya
training pa e protocol nobo y ta cla pa aplica esaki pa asina proteha nan mes y demas pashent.
Hospital di Aruba tin un plan pa actua en caso cu e coronavirus presenta na Hospital pa asina
contene esaki dibiaha y evita transmission.
E sintomanan di coronavirus ta hopi similar cu e otro enfermedadnan respiratorio cu ta contagioso.
Esakinan ta keintura, tosamento y falta di rosea. Ta importante pa si encaso un persona ta
experienciando e sintomanan aki por tin e posibilidad di ta contagia cu e virus. Si esaki ta e caso
mester tuma contacto cu via telefon cu bo dokter di cas pa atende bo y tuma e precaucion necesario.

Hohpic


Related posts

Cambio den prijs di productonan petrolero 14 di december 2022

EA News Author

Detencion Sevinger suspendi

EA News Author

The STEM Embassy ta duna hobenan oportunidad pa representa Aruba na FIRST Global Challenge

EA News Author

Leave a Comment

Whatsapp Message