Politica

Minister Chris Romero a reuni cu Representante Suplente di Hulanda na Aruba


ORANJESTAD, Aruba

Minister di Transporte, Comunicacion y Sector Primario, sr. Chris Romero, a ricibi bishita di drs. David Abrahams, kende ta Representante Suplente di Hulanda na Aruba. 

Durante e encuentro aki, Minister Romero a duna sr. Abrahams amplio splicacion di e Carteranan di Transporte, Communicacion y Sector Primario. A trece dilanti e plannan cu tin ariba mesa, cu ta entre otro: San Nicolas Ports, Fast Ferry, Setar, Arubus y algun otro departamento cu ta na encargo di Minister Romero.

Sr. Abrahams a duna informacion di su tareanan y su metanan como representante suplente di Hulanda na Aruba. Tanto Ministro Romero y sr. Abrahams a intercambia informacion y comentario ariba e situacion reinante di y na Venezuela, como tambe e consecuencianan cu esaki tin pa Aruba.

Tambe toca temanan di aviacion civil, entre otro e ICAO audit, e situacion di e Departamento Maritimo, e Departamento di Transportacion Publico, como tambe a papia riba e Compania Estatal Arubus N.V, den cuadro di transporte publico en general. 

Durante e reunion aki a sondia posibilidadnan pa intercambio di experticio cu Hulanda ariba diferente area, entre otro Agricultura. Sr. Abrahams a menciona cu den cuadro di e “bijstandsverzoek”, Aruba por entrega peticionan na VNOA pa asistencia tecnico for di Hulanda.

Un encuentro unda cu a intercambia hopi informacion y a palabra cu ta keda den contacto den futuro, pa asina duna asistencia unda cu peticionnan keda haci. Sigur, un reunion hopi positivo y fructifero.


Related posts

En conexion cu celebracion di e fecha natal di Betico Croes: Muchanan Di Colegio Ora Ubou A Keda Contento Cu Bishita Di Prome Minister

EA News Author

Mr. Ady Thijsen a bira president di Comite Ehecutivo di OCTA

EA News Author

Minister Mr. Geoffrey Wever cu varios reunion cu stakeholders di sector comercial pa intercambia idea y scucha preocupacion y deseonan

EA News Author

Leave a Comment