E situacion di Rijkswet tin henter Aruba discursta, Gobienor di AVP-FUTURO a demostra di no ta traha pa Aruba pero pa nan partido, Segun ex prome minister Nelson Oduber den su post cu e la pone ultimo riba e situacion di Rijkswet ta indica cu aunke cu e ta cu pension e tin su contactonan cu Hulanda y ta loke e la haci tambe pa mira dicon Hulanda ta tuma un postura asina pa cu Aruba.
Aki bou nos ta pone loke ex prome Minister Nelson Orlando Oduber a expresa riba su pagina di facebook personal:
Di mi fuente nan na Hulanda mi a wordo bisa cu e motibo cu nan kier pusha e Rijkswet ta pasobra no tin ningun confianza den e gabinete Eman cu nan lo cumpli y no lo sigui endeuda nos pais. Nan a recorda mi 1994 cu ya a pone un KB pa kita Siguridad Nacional for di bou di gobierno pa nan metemento cu baho mundo di droga y labamento di placa y ponele bou di e gobernador. Despues na 2014 pa e mega debe nan crea pa gabinete Eman haci na un forma iresponsabel Hulanda a claba nan un KB y a pone cu gobernador a nenga di firma e presupuesto y Eman a bay den un supuesto welga di hamber cu yen di pantomina cu show di bebemento di Ensure. Hulanda a manda promer CAFT poniendo gabinete Eman bou curatela financiero y despues Hulanda a bin cu CFT. Ora bo ta papia di supervision esaki Hulanda a impone ariba Aruba desde e KB 2014. Stop di papia coy kens. Aruba ya desde 2014 tin supervision di Hulanda.
Cu otro palabra tur e redoblacion di debe pa Mike Eman ta desde CAFT/ CFT cu aprobacion di Hulanda cu a coopera deliberadamente pa haci e debe nan asina grandi, unda en comparacion cu nos GDP e a ser manda cu di cada florin cu drenta 96 cent ta bay pa paga debe nan so haci pa Avp.
Gobierno nan di MEP desde 2017-2024 a baha e debe di 96 0/0 di nos GDP te 71 0/0 di nos GDP. Apesar cu dor di Covid 19 e pandemnia Gabinete Wever- Croes mester a fia 916 miyon florin di Hulanda pa por a scapa nos pais. Ta gobierno su empleado nan, e trahado nan den e sector priva tur a ser yuda y tambe comercio incluso e hotel nan cu e 916 miyon florin fia di Hulanda.
Mi ta ta kere cu Hulanda no ta confia gabinete Eman pa nan mal experiencia di pasado. Mi ta kere cu e Rijkswet manera acepta pa Avp y Sin Futuro lo mata nos Status Aparte y lo hiba nos den un posicion peor cu prome cu 1986. Pesey bay firma pa yuda salba nos pais y mustra Hulanda cu Mike Eman su gobierno no por papia den nomber di mayoria di nos pueblo. Nan no tin legitimidad!Nan sosten ta 6 asiento cu 3 restzetels di otro partido nan y di Sin Futuro ta 2 cu 1 restzetel di otro partido cu ta ni 40 0/0 di e electorado. Un contribucion. Asina ex prome minister di Aruba Nelson Oduber a declara riba su Facebook.
