Parlamentario Xiomara Maduro ta lamenta cu prome minister Mike Eman ta expresa su mes contra di locual cu ta e clase medio na Aruba. Segun parlamentario Maduro, prome minister Mike Eman a critica e rebaho di loonbelasting cu actualmente ta ofrece na e clase medio, ta significa un 300 florin pa esnan cu ta paga loonbelasting.
Ta trata aki di 16 mil persona cu no mester paga loonbelasting mas y esey ta un adelanto y un alivio pa hopi hende unda cu 12 mil hende ta paga menos pa luna y esaki no ta algo insignificativo y pesey esaki ta di lamenta cu Prome Minister Mike Eman ta prefera pa e grupo di persona nan aki no haya e parti aki y ta crea un pobresa den e clase media di Pais Aruba cu ta e grupo di personanan cu ta e “weso di lomba “ di Pais Aruba y ta esunnan cu ta traha y inverti den nan negoshinan chikito unda cu prome minister Mike Eman kier kita cu nan no mester paga loonbelasting mas y pa asina crea pobresa pa despues hunga heroe cu toeslag.