Durante e asamblea general anual di e Asosiashon di Konsehonan Ekonómiko i Sosial i Institushonnan Similar (AICESIS), ku resién a tuma lugá na Willemstad, bou di presidensia di Konseho Ekonómiko i Sosial (SER) di Kòrsou, profesor dr. Kim Putters, presidente di e Konseho Ekonómiko i Sosial di Hulanda, a enfatisá durante un seshon privá e importansia di prosperidat kompartí i kolaborashon struktural den Reino hulandes. Siguiendo su konferensia públiko “Navegando riba e kaminda stret pa prosperidat kompartí: un transishon sosial”, ku e la duna na Universidat di Kòrsou (UoC) dia 5 di mart dje aña aki, Putters a pone énfasis riba e nesesidat di un base di konosimentu fuerte, un diálogo habrí ku aktornan sosial i un implementashon konsistente di maneho ku ta unifiká bienestar i medio ambiente.
Durante di e dos añanan di mandato Kòrsou komo presidente di AICESIS, a logra progresonan konkreto, manera desaroyo di e Índise di Kresimentu Sosentibel (ICS/SGI) — un instrumento práktiko diseñá pa gobièrnunan pa orientá nan direkshon na un prosperidat ku ta ekonómikamente, sosial i ekológikamente ekilibrá, ku perspektiva sostenibel. “Ta un inspirashon pa mira kon Kòrsou a tuma liderasgo riba e agènda aki,” Putters a bisa. “Ta un honor pa a forma parti di esaki.”
Despues di e konferensia, e delegashon hulandes liderá pa Putters a hasi un bishita di trabou di kuater dia na Boneiru. Den enkuentro ku outoridatnan lokal i representantenan di sosiedat sivil, a sondea kon SER Hulanda lo por kontribuí konkretamente na un desaroyo sosioekónomiko di e tres islanan BES. Ademas, seshonnan online a tuma luga ku Sint Eustatius i Saba. E meta: kompartí konosementu, establesé un metodologia pa asesorá i promové maneho basá riba dato, tur esaki orientá pa e prinsipio di prosperidat kompartí.
E mishon a konkluí ku un invitashon pa e seremonia di instalashon di e gobernadó nobo di Kòrsou, señor Mauritsz de Kort, ku a tuma lugá na Palasio di Gobernadó djabièrnè 7 di novèmber último. “Masha danki pa e kombersashonnan habrí, e hospitalidat i amistat,” ‘ei Putters a deklará na final di su bishita.
Press release: Sociaal- Economische Raad Curaçao