Falta solamente algun dia pa e yegada di Aña Nobo 2026, y cuerpo policial di Aruba ta haci un apelacion pa trankilidad y responsabilidad durante e dianan di fiesta. Segun e vocero di polis, Liliana Rasmijn, e mayoria di e dianan di fiesta tras di lomba a bay trankil, pero tabatin algun accidente cu a resulta den daño minimo.
Riba 26 di December, mas o menos 2:22 p.m., e central di polis a ricibi un notificacion di accidente riba Wolfstraat, caminda un auto a pasa riba un mucha di 5 aña. Ambulance a wordo manda mesora na e luga. Ora e prome patruya a yega, e mucha tabata den un situacion no mucho bon, pero tabata evidente cu e a sufri un accidente. E ekipo medico a cuminsa trata e mucha y a transporte na hospital cu urgencia, y su situacion ta delicado.
Durante anochi di 27 di December, mas of menos 8:00 p.m., un auto a dal dos hende riba Pos Abou. E patruya a topa dos hende muhe herida, mientras e chauffeur a laga e luga. E dos victima nan a wordo trata y transporta pa hospital cu urgencia y un di nan ta den estado critico, mientras e otro victima ta stabiel. Polis ta pidi e chauffeur pa entrega su mes pronto y ta invita pueblo di Aruba pa duna informacion via tipline 11141.
Polis ta recorda cu drenta e fin di dianan di 2025, ta importante cu tur automobilista circula cu precaucion, baha velocidad, tin papelnan na orden, uza faya di siguridad, no uza celular, , y si ta bebe, no ta maneha. Ta recomendabel tuma un conductor responsabel pa e celebracionnan y cu no ta bebe pa core auto.
Finalmente, e cuerpo di polis ta desea pueblo di Aruba un feliz Aña 2026.
