Tur hende a disfruta durante di dianan di fiesta y e contagionan na Aruba tambe a subi. Awe por bisa cu na hospital tin filanan largo di hendenan cu a bin pa haci test di COVID 19 na hospital. Esaki ta mustra cu esnan cu a sali awe ta preocupa riba nan salud despues cu nan a kibra tur e reglanan pa no sali y no ta den hopi hende. Hospital a pone un trailer special patras di edificio di respaldo pa asina trata tur esnan cu ta sinti cu nan tin sintoma di COVID cu nan por haci nan test eynan pa asina nan sa kico ta e sigiente pasonan cu nan por tuma. Sinembargo despues di aña nobo , awe por mira un fila di auto para den rij pa por haci e test di COVID -19. Sinembargo no ta solamente na hospital tin fila largo , pero tambe na laboratorionan cu por haci e testnan aki tambe tin persona cu ta bay pa asina nan keda atendi pa haci test di COVID -19. Importante ta pa sigui e protogolnan cu gobierno ta duna tur dia pa mantene distancia y tambe hygena, ta solamente hunto nos por combati e virus aki.
