Recientemente Minister Endy Croes hunto cu coleganan Minister sr. Glenbert Croes y Prome Minister sra. Evelyn – Wever Croes a reuni cu directora di Enseñansa sra. Anne – Marie Proveyer-de Groot. Un di e tema cu a wordo trata ta e reuinion cu a wordo pidi pa HIAS y UNHCR encuanto e maneho di enseñansa di Gobierno pa cu drechonnan universal di educacion pa muchanan cu ta emigra. HIAS tabata desea di ricibi un presentacion di e mandatario di enseñansa como tambe di Gobierno relaciona cu e tema y maneho en cuestion.
Den cuadro di esaki e mandatarionan a reuni hunto cu Departamento di Enseñansa pa asina alinea e manheo preparando pa e presentacion na HIAS y UNHCR cu ta tuma luga den luna di september. Un otro punto di agenda ta e subsidionan of asistencia relaciona na educacion cu por haya for di organisacionnan internacional. Finalisando Minister Endy Croes a expresa cu e tabata un reunion exitoso unda a trata diferente temanan di enseñansa den su totalidad.
