Durante e conferencia awe e delegacionnan di Italia, Sur-Africa, Australia y diferente teamnan di Interpol a elabora riba strategianan pa combati corrupcion. Na januari di e aña aki Interpol a introduci un “financial crime and anti-corruption centre” cu ta dedica solamente pa asisti paisnan miembro riba e thematica aki.
Presentacionnan a wordo duna door di, Director General di “Criminal Police Italy”, Presidente di “Financial Action Task Force”, sr. Raja Kumar, Director di “Financial Intelligence Centre of South Africa” sra. Xolisile Khanyile, sr. Che Sidanius “Chair of Europe Chapter Global Coalition to fight Financial Crime” y sr. Rory Corcoran kende ta e “acting director INTERPOL Financial Crime and Anti-Corruption Centre”.
Tur experto ta di acuerdo cu e meta final di tur actividad criminal ta pa haya benificio financiero. Y pa e motibo ey ta enfoca riba e importancia pa por emplea expertonan financiero den departamentonan Hudicial pasobra e ta un crimen cu ta dificil pa investiga. Tambe Interpol lo bay introduci un “asset recovery network”
pa di e forma ey stimula coperacion entre paisnan caminda ta bay haci informacion mas disponibel y na mes momento lo yuda instancianan hudicial pa por kita propiedadnan y placa di criminalnan cu a haya esaki atravez di actividadnan criminal.
Un di e motibonan pa esaki ta door cu globalmente solamente 1% di locual criminalnan ta produci cu nan actividadnan criminal ta wordo confisca. Adicionalmente ta señala cu mas y mas nan ta uza methodonan technologico avanza pa haci esaki. Y pesey ta mustra e importancia pa inverti tambe den technologia pa e departamentonan hudicial.
Tin diferente pataformanan caminda e “Financial Investigative Units” ta bini hunto y comparti informacion. Desaroyonan ta mustra cu mester incorpora e organisacionnan aki mas den departamentonan hudicial y percura cu nos por haci mas cu e informacion cu ta disponibel. Mas coperacion entre sector priva y departamentonan hudicial ta hopi importante pa logra esaki.
Mayan e delegacion di Aruba lo reuni bilateral cu INTERPOL su centro di Financial Crime y Anti-Corrupcion pa explora tur forma di coperacion cu ta posibel, manera esun operacional, analitico y “capacity building”