Diaranson mainta pa 8:30 central di polis ta wordo notifica via di Alarm Central cu un accidente mester a tuma lugar patras di KIA, riba e caminda pa Grapefield. Central di Polis a despacha patruya , ambulance y tambe departamento di trafico. Na yegada di e patruya ta bin topa cu un pick up Nissan color Shinishi cu tres hende homber envolvi. Un di nan tabata mustra basta grave na unda cu na yegada di ambulance a dune asistencia medico pero lamentablemente no por a haci nada mas pe.
Na e sitio di sucedido a presenta hefe di trafico, altocomisario Arnhem y Slachtofferhulp.
Departamento di Trafico ta haciendo su investigacion pa sa kico exactamente a pasa.
Lamentabelmente e accidente ta cobra un victima y ta bira e di tres morto den trafico. Ta trata aki di e hende homber Pedro Manuel Ochoa Gutierrez naci na Colombia dia 29 mei 2001 (23 aña).
E dos otro victimanan den e pick-up a wordo transporta pa ambulance mirando cu nan tabata levemente herida.
Cuerpo Policial ta manda palabra di profundo condolencia na famia di e fayecido.