Juliendra Janga i Raiza Wilsoe ta e ganadónan di ‘Festival Kanta bo Boneiru’ 2026. E festival a tuma lugá djasabra, 15 di ougùstùs último na Corallium Hotel. Entidat Públiko Boneiru (EPB), departamento di SKAL (Sekshon di Kultura, Arte i Literatura), a organisá e festival.
Juliendra Janga a gana e kategoria di Hubentut ku su kantika ‘E mensahe pa un mihó Boneiru’. Raiza Wilsoe a gana e kategoria di Adulto ku su kantika ‘Nos historia no ta pèrdí’.
Durante e festival, públiko por a gosa di kantikanan di e vários partisipantenan. Un hurado profeshonal a husga e diferente kantikanan. E aña akí tabatin seis partisipante den e kategoria di Hubentut i ocho partisipante den e kategoria di Adulto.
Ta organisá ‘Festival Kanta bo Boneiru’ tur aña. Durante e festival ta skohe un kantika ku ta konektá ku selebrashon di ‘Dia di Boneiru’. Interes pa e festival tabata grandi e aña akí.
EPB ta felisitá Juliendra Janga i Raiza Wilsoe ku nan viktoria. EPB ta gradisí tambe tur partisipante, e hurado di profeshonal, kolaboradónan i públiko pa nan kontribushon na ‘Festival Kanta bo Boneiru’ 2026.
E preparashonnan pa ‘Dia di Boneiru’ ta den ful spit. Ku ‘Festival Kanta bo Boneiru’ huntu nos ta dal un paso bunita den direkshon di e dia spesial akí. Keda na haltura di tur desaroyo via e kanalnan ofisial di komunikashon di EPB.
