LocalFeatured

Responsabilidad estricto, tecnologia GPS y un MOU pa proteha e sector y naturalesa ta importante

Marvin Kelly

Den e pensamento ta biba pa trece un punto crucial dilanti, segun Marvin Kelly  e proposicionnan a bin di  exigencianan firmemente poni riba mesa dor di e grupo Tour Operators Uni. E enfoke ta riba auto-regulacion riguroso, responsabilidad cooperativa y uzo di tecnologia moderno pa garantisa cu tur operador ta cumpli estrictamente cu e reglanan di proteccion ambiental.

GPS como herment di control y disciplina

Kelly ta subraya cu e organisacion no ta dispuesto pa pone su nomber y reputacion na peliger pa negligencia di algun operador. Pa e motibo aki, un di e exigencianan principal cu a keda presenta ta e uzo obligatorio di sistema di GPS pa tur vehiculo di tour. E rol di e GPS ta fundamental pa: Sigura cu ningun operador ta desvia di e ruta stipula.Evita cu vehiculonan ta core den zona nan fragil of protegi.Mantene tur miembro responsabel pa nan empleadonan y driver nan.

Iniciativa, reunionnan constructivo y un MOU concreto

Pa yega na un solucion duradero, Tour Operators a tuma e iniciativa pa sinta na mesa cu e autoridadnan, incluyendo un presentacion amplio na Minister Herde  hunto cu otro partidonan envolvi. E meta tabata pa demostra exactamente con e sistema di e tour operator nan ta hinca den otro y con e tecnologia ta yuda na guia e trafico turistico na un manera responsabel.

Como resultado di e esfuersonan aki, un Memorandum of Understanding (MOU) a keda presenta. E documento aki no solamente ta contene recomendacionnan y retonan di e sector, sino cu e ta marca exigencianan cla y net cu cada operador mester atene su mes na dje. E mensahe di TOU ta cla pa medio di disciplina, tecnologia GPS y gobernacion responsabel, e sector mes ta carga e liderazgo pa proteha naturalesa sin kita e balor turistico di nos isla.

Related posts

Alerta pa Pueblo di Aruba : Partidonan chikito no ta un opcion pa stabilidad di Pais Aruba

EA News Author

A.T.A. tawata anfitrion di periodistanan di Latino America pa ‘Dia de Las Mujeres’

EA News Author

Benjamin Romero ta presenta su di tres buki E virus misterioso

EA News Author

Leave a Comment

Whatsapp Message