ORANJESTAD, Aruba
Gerencia di Aruba Ports Authority a bini hunto na Fish House celebra mas cu 200 aña di servicio na Aruba Ports Authority, bou di dies di su fiel empleadonan.
Na e ocasion aki gerencia di APA a gradici empleadonan balente cu a mustra nan lealtad na e compania, unda cu asta tin di nan a dedica 30 aña na Aruba Ports Authority. Personal cu asina hopi aña den servicio ta loke ta pone un empresa crece.
APA ta contento di por conta cu un grupo grandi di trahadonan cu semper a keda cu nan y kendenan awe ta celebra nan hubileo di 10, 20 y 30 aña di servicio. Esaki ta motibo pa celebra hunto cu nan y famia, y na mesun momento gradici nan pa tur esfuersonan haci durante nan carera cu APA.
E hubilarionan cu a celebra nan anniversarion ta:
Robert Bisslik a cumpli 10 aña di servicio dia prome di october 2019 y ta ocupa actualmente e function Captain di Tugboat;
Richard Croes dia prome di februari 2020 a cumpli 10 aña di servicio y ta ocupa actualmente e function di stuurman motorist;
Haimar Tromp dia prome di februari ultimo a cumpli 10 aña di servicio y ta ocupa actualmente e function di matroos;
Gelene Kelly a cumpli 20 aña di servicio dia 13 september 2019 y actualmente den administratie ta forma parti di afdeling crediteuren;
Franklin Angela a cumpli 20 aña di di servicio dia prome december 2019 y ta ocupa actualmente e function di bewaker;
Dino Yarzagaray a cumpli 30 aña dia 15 di december 2019 y ta ocupa actualmente e function di Senior Pilot;
Joslyn Gil a cumpli 30 aña di servicio di APA dia prome di januari 2020 y ta ocupa actualmente e funcion di hoofmotordrijver;
Ovandi Hirschfeld a cumpli 30 aña di servicio dia 16 januari 2020 y ta ocupa actualmente e function di haven verkeersleider;
Alex Werleman a cumpli 30 aña di servicio dia 12 di februari 2020 y actualmente ta assisti APA den e parti di magazijn;
Erwin de Mey a cumpli 30 aña di servicio dia 13 februari 2020 y ta ocupa actualmente e function di opzichter tweede klasse.
“APA ta sumamente orguyoso di por celebra asina hopi aña di servicio di su empleadonan. Boso ta ehempel di loke nos ta spera di nos empleadonan y pa APA semper ta un honor reconoce logronan asina. Boso contribution na e bienestar di e compania y na Aruba ta altamente aprecia”, asina Marc Figaroa, Managing Director di Aruba Ports Authority N.V. a bisa durante e celebracion.
