Pa di 33 biaha konsekutivo nan a proklamá Boneiru komo e mihó destinashon pa buseo na kosta den área karibense / Oséano Atlántiko, kaminda un biaha mas nos isla ta konfirmá su reputashon komo paraiso di buseo
Den su edishon di novèmber 2025 e revista Scuba Diving a anunsiá resultado di Readers’ Choice Awards 2026, kaminda Boneiru a kai den premio den 11 kategoria.
Boneiru a gana 11 Scuba Diving Readers’ Choice Awards, entre otro saliendo seis biaha na e di promé, di dos i di tres lugá. Pa e di 33 aña konsekutivo Boneiru a gana e premio di mihó destinashon pa buseo na kosta den área karibense / Oséano Atlántiko, un prueba di e reputashon permanente di nos isla komo paraiso di buseo.
Otro premionan ta entre otro:
Promé lugá – Buseo pa prinsipiante
Promé lugá – Snòrkel
Di dos lugá – Fotografia bou di awa
Di dos lugá – Fotografia makro
Di tres lugá – Buseo avansá
Tòp 5 – Mihó en general
Tòp 10 – Salú di medio ambiente marino
Tòp 10 – Mihó relashon entre preis i kalidat
Un di e mihónan – ‘Wall Diving’
Un di e mihónan – ‘Wreck Diving’
‘Pa 33 aña kaba Boneiru ta pone e norma pa buseo na kosta. E honor akí no ta reflehá solamente nos refnan bírgen, pero tambe e pashon di nos komunidat pa protehá i kompartí e tesoronan bou di laman di nos isla,’ segun Elesiër Angel, direktor di Tourism Corporation Bonaire.
Un danki ta bai na nos stakeholdernan i nos partnernan ku a hasi esaki posibel.
Ta publiká Readers’ Choice Awards 2026 riba www.scubadiving.com i den e edishon di novèmber di e revista.