ORANJESTAD,Aruba
Awe tardi pa oranan di 12or di merdia docentenan di Colegio Arubano a walk out den protesta masal dilanti Colegio Arubano pa mustra nan desgusto pa cu e decisionan di e bestuur di Colegio Arubano. No ta desconosi cu Rectornan no a keda pa tempo largo na Colegio Arubano. Comision di Docentenan na Colegio Arubano ta vosivera cu no por ta asina cu tur Rector ta malo. Aworaki docentenan ta den protesta y ta exigi pa sea un cambio of un bestuur nobo. Colegio Arubano conosi como un di e pilarnan mas importante den nos systema di educacion na Aruba kier cambio pa un bestuur cu tin e docentenan y e alumnonan na curason y no simplemente nan mesun interesnan. Vilma Lardi cu ta un di miembronan di e Commision pa Docente na Colegio Arubano a presenta awe cu un carta cu vario punto unda cu nan ta splica tur e puntonan cu nan kier vocivera pa cu e desgusto di e forma con e bestuur a trata no solamente e rector ultimo pero varios otro tema di Colegio Arubano. Juffrouw Vilma Lardi ta spera cu por bin un cambio pronto y lihe pa asina Colegio Arubano por sigui ta un di e pilarnan di mas importante den nos educacion na Aruba.
