Dialuna 6 di mei 2024 Stephany Werleman, convincentemente
cu su investigacion (assessment), a haci e examen final pa conclui su estudio
bachelor Lerarenopleiding Wiskunde na e facultad di Arte y Ciencia (FAS).
Universidad di Aruba a percura den e ultimo 11 aña pa suficiente maestro
segundo grado di Wiskunde (bachelor) den enseñansa avansa na Aruba. E aña
academico aki e ultimo studiantenan ta finalisa nan estudio y e bachelor
Lerarenopleiding Wiskunde ta yega na su fin. Anteriormente e aña academico
aki Shiu Kei Fan y Lubienshka Dijkhoff a obtene nan grado di bachelor maestro
di Wiskunde.
Universidad di Aruba ta felicita Shiu Kei Fan, Lubienshka Dijkhoff y Stephany
Werleman sinceramente cu e resultado obteni y ta desea nan hopi exito.
