Djárason, 28 di Mei último, nuebe Militar di Kòrsou ofisialmente a keda huramentá despues di eksitosamente a finalisá nan Formashon Militar Básiko. (Elementaire Militaire Vorming (EMV)
E seremonia a tuma lugá den presensia di Gobernador Interino di Kòrsou, Minister di Hustitia Hato i Komandante di Forsanan Naval den Region Karibe.
E nuebe Militarnan ta forma parti di un grupo di 15 kandidato ku a slag den e Formashon Militar Básiko; di e 15 nan, seis ta desendiente di Aruba i nuebe ta di Kòrsou. E Militarnan di Aruba mas despues lo keda huramentá na Aruba.
E estudio a kontené 26 siman di Treinen Militar intensivo, den kua resiliensia físiko i mental tabata sentral. Despues di finalisá e período aki a tuma lugá e entrada ofisial ku aplouso na Fort Amsterdam.
Despues e kandidatonan a sigui un modulo B&B (Bewaken en Veiligheid) ‘Monitoreo i Seguridat’ di 10 siman, komo preparashon pa nan posishon dentro di Defensa den Region Karibe.
Despues di e huramentashon e Militarnan a keda ubiká na Curmil (Curaçaose Militairen) i na Arumil (Arubaanse Militairen), kaminda nan lo desplegá nan mes pa pas i siguridat den e Region Karibe di Reino Hulandes.
