Politica

Parlamentario Alan Howell Contento cu AZV ta bek cu servicio na San Nicolas


ORANJESTAD,Aruba

Parlamentario di POR, Alan Howell ta masha contento di por anuncia cu AZV ta bek cu su servicio na San Nicolas. 

Manera ta conoci, algun luna atras e parlamentario a mustra su digusto ora cu a tuma nota cu AZV a tuma e decision di cera su portanan na IMSAN, lagando e parti aki di pariba sin e servicio cu nan ta duna. Inmediatamente el a tuma contacto cu Minister di Salud, Dangui Oduber pa busca un solucion y awe por mira cu a logra e meta di tin AZV un biaha mas na San Nicolas.

Howell ta splica cu AZV tey pariba na un forma mas moderno, cu un asina yama “Pop Up Desk”. Na e desk aki ta haya servicio y por haci tur pregunta al caso. Pa Howell y habitantenan di pariba no ta importante pa tin un oficina grandi, importante ta pa conta cu representantenan di AZV presente pa por duna e servicio necesario pariba di nos isla.  

Loke e parlamentario di POR si ta indica ta, cu intencion ta pa poco poco bay den e sistema digital (online), cual ta un facilidad grandi ya cu e lo scapa un persona di bay te na AZV pa cualkier servicio. “Dimes semper ta keda esnan cu no ta mucho fanatico di haci cosnan online y pa tal motibo e servicio aki di AZV na IMSAN San Nicolas ta asina importante. Un danki special na minister Dangui Oduber  y na e director di AZV Ruben Goedhoop pa haci caso di mi peticion den nomber di nos hendenan di pariba di brug”, Alan Howell a conclui.


Related posts

Parlamentario mr. Gerlien Croes Mientras paisnan rond mundo ta aliviando presion riba pueblo, na Aruba ta net lo contrario

EA News Author

Aruba tin mas di 10 mil persona ilegal / indocumenta cu no ta paga belasting

EA News Author

A pone un grupo pa investiga y analisa impacto di posibel habrimento di frontera

EA News Author

Leave a Comment