Bonaire

Regata Boneiru 2025: “Tradishon i Inovashon ku Pashon riba Laman”

Regbon 2025 Programa Di Lama

Stichting Aquaspeed Bonaire Windsurfers ta anunsia ku orguyo e Programa di Laman pa Regata Boneiru 2025, ku lo tuma lugá di 7 pa 11 di òktober. Desde ku e la funda na 1987, Aquaspeed a keda un pilar den komunidat di vela i windsurf di Boneiru, uniendo generashon tras generashon di deportista, partner i komunidat.
E Regata Boneiru ta mas ku un kompetensia e ta un tradishon kultural ku ta uni komunidat henter ku vibrashon di Karibe i amor pa laman.

“Kontinuidat ta klave! Nos ta komprometé no solamente ku èksito di 2025, sino tambe ku e intenshon pa reforzá Regata Boneiru pa mas aña komo e organisashon ku ta uni su mes ku profeshonal i partner nan ku pashon pa sigui desaroya,” segun e organisadó principal di regata di laman.

Momentu Prinsipal & Programa
E Regata lo tin shete disiplina: yacht, sunfish, optimist, windsurf, wing foil, kite surf i micro boat tur lo kompeti den e awa renombrá i uníko di Boneiru, den e bahia di Kralendijk.

Resúmen di Programa

7 di òktober – Dia di registrashon & BBQ pa partisipante, staff i invitado

8 di òktober – Kompetensia na Kas di Regata i SKAL den bahia di Kralendijk, Desfile di bandera (Nations Flag Parade) i Seremonia di Apertura riba podium prinsipal

9 di òktober – Kompetensia dilanti Kas di Regata i SKAL den bahia di Kralendijk

10 di òktober – Kompetensia dilanti Kas di Regata i SKAL den bahia di Kralendijk

10 di òktober – Kas di Regata Happy Hour tradishonal ku entretenimiento bibo

11 di òktober – Dia final: kompetensia dilanti Kas di Regata i SKAL den bahia di Kralendijk i Seremonia di premiashon riba podium prinsipal.

(Programa por kambia; aktualisashon lo wordo publiká na Kas di Regata i riba medionan sosial)

Sponsor Prinsipal
E Regata Boneiru 2025 ta posibel danki na nos sponsor nan prinsipal: Gobiernu di Boneiru, INDEBON, Guardian Group, Fundashon Wega Number Boneiro (FWNB), Maduro & Curiel’s Bank Bonaire (MCB) i tambe un danki na tur ku den un of otro a kolabora.

Tokante Organisadó
Stichting Aquaspeed Bonaire Windsurfers: Fundá na 1987, tin un legado fuerte den komunidat di vela i windsurf di Boneiru, semper dediká pa duna kontinuidat i elevá nivel di e evento di laman na Boneiru.

Uni na e Selebrashon
Regata Boneiru ta un evento ku ta uni marineronan, publiko i henter komunidat den sinko dia di kompetensia, kultura i tradishon. Pa registrashon por bai riba e wepsait menshona abow pa tur disiplina di vela. Pa registra pa e desfile di bandera (Nations Flag Parade) por tuma kontakto ku +5999 560 7440.

Pa mas informashon, resultado i aktualisashon, bishitá e wepsait

www.aquaspeedbonaireevents.com òf sigui FB: aquaspeedbonairewindsurfers, FB: bonaireregatta58 riba medionan social pa mas informashon of un entrevista por tuma kontakto via +599 788 7878 (Gerrald Victorina) of aquaspeed.bonaireregatta@gmail.com.

Related posts

DIKTADO DIA INTERNASHONAL IDIOMA MATERNO DEDIKÁ NA MONICA CLARINDA

EA News Author

His Highness Majesty King Willem Alexander

EA News Author

Venezuela no ta contesta sindicato debi cu nan ta sinti cu sindicato no ta partido den e akuerdo

EA News Author

Leave a Comment

Whatsapp Message