ORANJESTAD,Aruba
Fort zoutman a haya bishita di sorpresa awe mainta. E persona cu ta haci control na Fort Zoutman tur dia parti mainta y anochi a bin haya un situacion desagradabel awe mainta 3di April. No ta prome biaha nan ta kibra den fort zoutman , pero varios biaha caba. Esaki ta un situacion di lamenta, por a tuma nota con nan a trata di drenta e museo y kibra cosnan cu tin hopi balor pa nos historia aki na Aruba. Sinembargo no ta esaki so, tambe nan a kibra e porta parti di pafo unda cu ta warda e articulonan na momento cu tin festival pa e turistanan y nan a bay cu boter di binja y refresco. Por mira claramente cu via di e cura nan ta bula y asina pasa e kahanan over di e muraya pa nan horta.
