E siman akí gobièrnu di Boneiru ta biaha pa Hulanda pa un bishita di trabou. Dia 28 i 29 di yüni e delegashon ta asistí na e kongreso anual di Asosashon di Munisipionan Hulandes (Vereniging van Nederlandse Gemeenten – VNG). Esaki ta e kongreso di mas grandi di Hulanda ku ta dura vários dia i ku ta konta ku asistensia di entre 2500 i 3500 mandatario i miembro di konseho munisipal lokal.
Banda di partisipashon na e kongreso sentral, tin tambe diferente ekskurshon den region, un programa parti anochi i e reunion general di miembro planiá. Ta bai tin vários kòmbersashon tambe ku e komishon fiho pa Relashonnan den Reino di Eerste i Tweede Kamer kaminda lo trata diferente tema di maneho.
E diputadonan James Kroon, Nina den Heyer i Hennyson Thielman tin sita na diferente ministerio i munisipio pa papia tokante e problemátika lokal aktual na Boneiru relashoná ku subida di preis, pobresa, energia sostenibel, kamindanan i infrastruktura, pero tambe e desaroyo di nos biblioteka públiko i diferente proyokentonan manera BES(t) 4 Kids.