Den MFA Paradera mi tawatin e honor di presenta e Expo 2023 di e alumnonan di e scol di arte Wallpaintings Aruba. Un total di 29 alumno a ricibi for di nan maestro Sandra van der Linde un medaya di aprecio compaña pa un regalo di varios cas comercial di Aruba.
E expo presenta tawatin pinturanan bunita cu varios tema manera Naturalesa, Mundo di mucha, Fantasia y mas. Tawata hopi bunita mira e sosten brinda na tur alumno pa nan amigo – y famianan presente. Un danki y pabien grandi mi ta manda, cu e articulo aki, na cada alumno y maestro Sandra y famia cu e anochi bunita y exitoso aki. Danki tambe na presencia di Prensa Arubano.
