BonaireFeaturedInternacional

PNC ta sostene desaroyo riba construccion di vivienda social na Boneiro

Pap Pnc Ta Sostene Desaroyo Riba Construccion Di Vivienda Social Na Boneiro

Cu un crecemento fuerte di e poblacion na Boneiro, e demanda pa vivienda social tambe ta aumentando. Stichting Pensioenfonds Caribisch Nederland (PCN), como un di e cuater miembronan di Consorcio, a prolonga y amplia su apoyo financiero na Fundacion Cas Boneriano (FCB) e aña aki.

E actividadnan di construccion di FCB den entre otro e barionan Hato y Nikiboko, lo genera mas di 400 vivienda social. Mayoria di esakinan ta destina pa huur, pero lo tin tambe algun cas propio tambe den nan. “Banda di e echo cu ta construyendo mas cas cu a plania originalmente, lo construi considerablemente mas rapido tambe”, segun FCB.

Pa e proyectonan di vivienda nobo na Nikiboko y Hato ta haci mas uzo di suministro di energia sostenibel, por ehempel instalando entre otro panel solar y bateria. Banda di energia ‘berde’ ta duna relativamente hopi atencion tambe na vegetacion (landscaping), pa promove placer di biba y di bida di futuro habitantenan. Nobo pa Boneiro ta e echo cu e cayanan den e barionan nobo lo consisti completamente di klink.

Pa por traha mas rapido, FCB lo bay traha cu un cantidad mas amplio di contratista pa realisa e plannan di bebiendo di e fundacion mas rapido posibel. Banda di cumpli cu e deseonan di vivienda di futuro huurdonan, esaki ta stimula economia lokal mas tanto posibel tambe. Na 2022 a haci palabracionnan entre Entidad Publico Boneiro y ministerio di Asuntonan Interno y Relacion di Reino pa regula e mercado di huur na Boneiro y pa mara un subsidio na esaki.

Consorcio

Na 2019 a anuncia lantamento di un consorcio di 4 financiadonan hipotecario, entre nan tres di Corsou. E consorcio ta forma pa Vidanova Bank, Vidanova Pensioenfonds, Foundation Pension Fund Isla Curaçao y PCN. Na comienso di e aña aki tur cuater miembro di e consorcio a prolonga y amplia nan apoyo pa acelera entrega di viviendanan social na Boneiro.

Pap Pnc Ta Sostene Desaroyo Riba Construccion Di Vivienda Social Na Boneiro .3
default

Pap Pnc Ta Sostene Desaroyo Riba Construccion Di Vivienda Social Na Boneiro .1
default

Related posts

Tayer “Sembrando Simia di Crecemento Personal” ta cultiva exito entre hoben

EA News Author

Di 5 blackout den corto tempo na Korsou

EA News Author

Ley di BBO na frontera lo drenta prome di augustus 2023

EA News Author

1 comment

Leave a Comment

Whatsapp Message