Den e ultimo edicion di “Na Drempel di Fin di Aña”, Stichting Klein Aruba a haci entrega di un reconocimento hopi special na Aruba su broadcasting queen Erin Croes. Tawata exactamente 35 aña pasa cu Erin a cuminsa cu e programa aki cu a bira un ehempel y icono local cu tawata scucha pa miles di hende rond Aruba y Hulanda. Hopi t’e personanan cu Erin y Na Drempel di Fin di Aña, a inspira. Tur aña tawata un promedio di 33 programa tawata presenta pa total 35 aña. E aña aki, Erin a anuncia cu esaki lo a bira su ultimo edicion. Pa motibo aki, Stichting Klein Aruba, a dicidi di no laga e momento aki pasa sin mas. Tawata presidente Arthur Kelly, tesorero Jarissa Dubero y secretario Addonsito Croes, hunto cu cantante local Edjean Semeleer, Thyara Doornkamp, Jaritza Correa y Mariana Kelly, esun cu a haci entrega y anuncio di un award y reconocimento special na Erin.
Tawata un momento unico y bunita pa Erin.
Erin a bisa si cu Na Drempel ta ser poni den un buki di historia, pero cu e lo trece un concepto nobo pa cu e temporada unico aki otro aña.
