Manera nos tur por a tuma nota DVG a saca un comunicado di un control cu nan a haci unda cu a topa cu un container di webo daña. Aruba no ta transporta webo di Colombia normalmente mirando cu ta scoge pa calidad nan mas halto cu ta bin for di Merca. Sinembargo mirando loke ta pasando na Merca , Minister Geoffrey Wever a tuma e decision di duna permiso pa importa Webo di Colombia cu e resultado no ta safe pa e salud di comunidad di Aruba y a constata un container daña.
Segun Minister Geoffrey Wever e produccion local di webo di galiña no ta suficiente pa abastece e consumo cu tin na Aruba pa webo. Debi na esey e Departamento di Asuntonan Economico, Comercio y Industria (DAECI) ta duna permiso pa importacion di webo.
Den e ultimo lunanan e produccion local a conoce un reduccion. Na mes momento, e ultimo lunanan e prijs di webo importa procedente di Merca tambe a aumenta drasticamente. Esaki tambe ta e motibo cu e importadornan local a busca alternativa for di e.o. Colombia.
Webo ta un cuminda esencial, un fuente di nutricion valioso. Mirando e situacion di obtenibilidad local y prijs internacional (Merca), minister di Finansa, Asunto Economico y Sector Primario, Geoffrey Wever, a otorga permiso pa importa webo for di e.o. Colombia cu a resulta den un efecto positivo riba obtenibilidad y prijs pa consumido na Aruba. Esaki tabata tin un gran acogida di atencion den media y den comunidad.
“Tabata un paso necesario mientras nos ta preparando pa implementa un maneho pa empuha e produccion local di webo di galiña” – Minister Geoffrey Wever.
Webo ta unico producto na Aruba cu tin proteccion di mercado.
“Tabata un paso necesario mientras nos ta preparando pa implementa un maneho pa empuha e produccion local di webo di galiña” – Minister Geoffrey Wever.
Webo ta unico producto na Aruba cu tin proteccion di mercado.
Prijs di webo importa tin un margen di ganashi maximo
Pa webo importa, e margen di ganashi ta 50 cen pa docena pa groothandel (“whole sale”), y pa kleinhandel (“retail”) e ta 60 cen pa docena. E prijs di webo importa ta varia pa importador y ta fluctua pa cada cargacion segun e pais, marca, fecha y cantidad cu drenta.
Si ta nota cualkier irregularidad den supermercado, por tuma contacto cu DAECI na 521-2420.