Esaki ta imagennan di alegria di e ekipo di #Boss a comparti awetardi na momento di e yegada di e atleta Arubiano, Jermaine Howard, Na aeropuerto, su grupo di amigo y cliente a duna un bon bini caluroso pa asina demostra gratitud y orguyo pa su logro.
Jermaine Howard, cu su dedicacion sin fin y trabou duro, a logra un titulo importante durante su participacion na e final di Giovanni’s Classic na Neiva, Colombia. E regreso na Aruba ta, no solamente pa celebracion personal, pero tambe inspiracion pa tur hende cu ta sigui su pasion den bodybuilding y fitness.
Howard a expresa danki na su famia, amigo y tur sostenedor cu a tuma tempo pa bin ricibie, pero tambe tur esunan cu a manda palabra di pabien. El a afirma: “Mi ta traha pa representa Aruba na nivel internacional, y mi ta uza e titulo aki pa inspira otro.”
