Sint MaartenFeatured

Cabinet di Minister Plenipotenciario a presenta informe anual 2025

Hulanda 1

E Cabinet di Minister Plenipotenciario di Sint Maarten na Den Haag a presenta oficialmente su Informe Anual 2025. Su Exelensia, Minister Plenipotensiario Drs. Gracita R. Arrindell, a anuncia e compilacion y publicacion di e informe, cu ta duna un resumen amplio di e trabou realisa durante e aña 2025.

Segun e informe, e Kabinet a cumpli cu su mandato den Reino di Hulanda y na nivel internacional. Durante 2025, enfasis principal tabata riba fortalece y estrecho relacionnan cu Sint Maarten residente na Hulanda, incluyendo studiante y profesional hoben.

Ademas, e cabinet a sigui traha pa fortalece e enlace entre Sint Maarten y e comunidad mas amplio di e Reino, mientras cu ta amplia presencia di Sint Maarten na nivel internacional. A lo largo di e aña, e Kabinet a traha intensivamente cu diferente parti pa stimula crecemento economico, diplomacia constructivo y cooperacion, entre otro den e area di educacion.

Pa mehora comunicacion y visibilidad, un strategia di relacion publico a wordo implementa, incluyendo e nombramento di un trahado di comunicacion y e relansamento di e boletin informativo Cabinet’s Quarterly. Tambe a cuminsa cu e introduccion di un database structura pa fortalece comunicacion y colaboracion, specialmente cu studiante y profesional di Sint Maarten na Hulanda.

E Cabinet di Minister Plenipotenciario ta representa Gobierno di Sint Maarten na Hulanda y den Union Europeo (EU), y ora ta necesario, mas aya. Den e capacidad aki, e Cabinet ta sirbi como e principal enlace entre Gobierno di Sint Maarten y su partnernan internacional

Related posts

Rudy Lampe (RED): Mi ta diacuerdo pa KB bin

EA News Author

Secrets Baby Beach Aruba a habri su prome oficina y Aruba ta bon bini pa forma parti di e team

EA News Author

Mnister Rocco Tjon: Tin 4 punto di salida cu tin palabracionnan pa mantene na dje

EA News Author

Leave a Comment

Whatsapp Message