Mientras cu Secretario di Estado Eddie van der Burg ta na Aruba y ta contento cu apretura di Oficina di Directie Koninkrijksrelaties, na Hulanda tin cuidadanonan ta protesta contra di e union aki dilanti di Tweede Kamer. Cu borchinan ta manda e mensahe kico realmente Union Europueo ta haciendo cu Reino Hulandes y Mundo. Un cuidadno Hulandes Goof Timmermans ta expresa su mes sinta dilanti di porta di Tweede Kamer.
Loke ta pasando aworaki ta hopi poco, pasobra (Tweede Kamer) no tin casi nada di bisa mas. E ley nan internacional ta bin prome cu e leynan nacional, y e poder mas grandi ta cerca e Union Europeo. Ademas, atrabes di NATO y otro organisacionnan no-gubernamental, a sera hopi contrato caminda e di (Tweede Kamer) no tin ningun influencia. Mas ainda, hopi di e contratonan aki nan no mag ni mira nan, pasobra nan ta secreto y cera cu partidonan priva; esaki ta haci e grupo aki totalmente impotente. Awo kico ta e realidad ? no ta solamente parlamento di Aruba ta perdiendo su poder pero (Tweede Kamer) tambe ?
Segun cuidadano Goof Timmermans nan no ta tuma decisionnan na fabor di pueblo, sino pa un elite chikito, y no necesariamente e elite Hulandes, sino un elite internacional cu ta basa principalmente na Merca. Nan ta esunnan cu ta dirigi y ta ranca e control. Hopi hende no ta realisa kico ta pasando; nan ta pensa cu cada cuater aña nan ta bay vota pa un parlamento, y dos aña despues pa (Eerste Kamer), pero esaki tambe tin poco di bisa, segun Goof Timmermans.
Globalismo y e Agenda Mundial
Esnan na mando no ta independiente; nan ta sigui un agenda globalista cu ta wordo sosteni pa un grupo hopi chikito di hende cu sa kico esaki ta encera. Hopi hende ta asocia globalismo cu comercio liber mundial, pero esaki no ta trata di comercio, sino di dominacion door di un solo partido (unipolar).
Aworaki nos ta mira un cambio pa un mundo multipolar, caminda paisnan manera Rusia y China ta bay hunga un rol mas grandi, y e forsa y relacionnan ta bay wordo reparti mas. Esaki ta trece dificultad pa e partido unipolar. Loke ta pasando na Iran, por ehempel, no tin nada di haber cu derecho internacional, democracia, of armanan nuclear; e ta trata di poder.
Control di Recursonan
Poder por wordo ehecuta na diferente manera:
- Energia y Olio: Esun cu ta controla esaki, tin e poder.
- Awa: Esun cu ta controla awa di bebe, tin e poder.
- Cuminda: Esun cu ta controla e alimentacion, tin e poder.
P’esey nos ta mira cu ta ataca e cunukeronan, pasobra bo no tin poder riba hopi cunukero los, pero si riba un par di “food hubs” grandi. E globalistanan aki no ta traha pa bienestar di pueblo.
Mensahe Final
Hende lo cuminsa pensa seriamente solamente ora cos cuminsa bira dificil, manera ora nan no por paga nan hipoteca mas. E conseho ta pa profundisa bo mes den e asuntonan aki: bay lesa, busca informacion, y no keda contento cu e prome contesta cu bo haya riba internet. Busca mas leu y mira mas leu, Asina Goof Timmermans un cuidadano Hulandes ta vosifera na su protesta dilanti di (Tweede Kamer) na Hulanda , pueblo mester bira mas consciente di kico realmente ta pasando.
