Cuerpo Policial Sint Maarten (KPSM) y Ministerio Publico ta renoba nan yamada pa informacion tocante e supuesto tirador den e investigacion andando “Alligator”. E sospechoso ta keda na huicio (libre) y ta wordu considera arma y peligroso.
E investigacion ta trata di e tiroteo fatal di Damon Sylvester, originalmente di Trinidad y Tobago, y Denisha Delancy di Merca riba 2 di Maart 2026 na Sint Maarten.
Investigadornan ta kere cu Sylvester tabata e meta premira di e tiroteo. No ta kere cu Delancy tabata un meta y ta parce cu e tabata na e luga ekiboca na e momento ekiboca.
Aktualmente un sospechoso ta den detencion preventivo sospecha di complicidad den e dos asesinatonan. Sin embargo, ainda no a captura e supuesto tirador.
A identifica e supuesto tirador como Brent Dain Danglade, naci riba 25 di Maart 1977 na Trinidad y Tobago. Despues el a cambia su nomber pa John Dawn Emmanuel, cu mesun fecha di nacemento.
E investigacion ta indica cu Danglade/Emmanuel regularmente ta cambia su aparensia. E potrnan adhunto ta mustra con e por ta actualmente, su aparensia rond di e tempo di e asesinatonan y con el a wordu representa den aviso di buskeda anterior.
E tin tambe un tatuaje alargá na e parti interior di su man drechi. Ainda no conoce e imagen exacto of nificacion di e tatuaje.
Ministerio Publico y KPSM tin informacion cu ta indica cu Danglade/Emmanuel por a ricibi asistencia di individonan associa cu e victima masculino despues di e asesinatonan. KPSM ta investigando activamente cualkier persona sospecha di yud’e scapa di autoridad.
Emmanuel ta wordu considera arma y peligroso. No acerca ni purba detene.
Cualkier persona cu mira Danglade/Emmanuel of sa unda e por ta kedando mesora mester tuma contacto cu KPSM na +1 721-542-2222, e liña di tip anonimo na 9300, of e numeronan di emergencia usual.
Hasta informacion cu por parece insignificante por yuda investigadornan localis’e y avansa e investigacion.