Ministro di Vivienda Publico, Planifikashon Teritorial, Medio Ambiente e Infrastruktura (VROMI), Patrice Gumbs, a confirma cu e cuenca di Great Bay ta cla pa maneho mihor di inundacion cu e instalacion di e pompanan di awa di yobida. Durante e chekeo final aki, e ministro a conduci un prueba pa mira e velocidad cu cual e por kita awafor di e lago. Minister Gumbs a felicita e ministerio pa e planificacion y instalacion tempestivo di e proyecto aki y a gradici e contratista, Windward Roads, pa e demonstracion.
“Cu bon planificacion, financiamento y implementacion, medidanan di mitigacion manera esakinan por baha costo y salba bida”, Minister Patrice Gumbs a declara.
Maske tormenta tropical Dolly a baha intensidad bira un depresion, e ministerio di VROMI ta anima e publico pa keda alerta, specialmente den areanan cu ta cay bou di riesgo di inundacion.