E siman aki e comandante di forsa maritimo den Caribe y tambe director di Wardacosta di Caribe, Frank Boots a bishita islanan den Caribe. Durante di su bishita na Sint Maarten e la conoce gobernador nobo di Sint Maarten Ajamu Baly.
Despues e la bay riba barco di Wardacosta pa Saba unda cu a reuni cu Gezaghebber Jonathan Johnson, pero tambe a reuni cu hefe di departamento di Kustwacht na Sint Maarten Robert Levenstone y Arie Noordam cu ta comandante.
Durante di e reunion gezaghebber y e comandante a reuni riba diferente topico un di nan sigur ta e siguridad, pero tambe comienso di vigilancia di Guarda Costa den e awanan teritorial di Saba. Mas den oranan di atardi e cuter di wardacosta Puma a hiba e delegacion Sint Eustatius unda cu nan a celebra y recorda e fecha di dia di Statia cu tabata 16 di November ultimo.
E delegacion a keda ricibi door di comision di gobierno Alida Francis y e delegacion a asisti na e conmemoracion di e prome saludo y cu e saludo aki ta haci 246 aña, Hulanda tabata e prome pais cu e reconoce Verenegde staten, e celebracion aki a cuminsa cu e prome disparo cu ta e prome saludo pa e discurso di Oranjestad tuma luga.
Ademas riba e dia aki tambe a oficialisa e centro di operacion di emergencia (COE) a habri. Pa celebra e dia di Statia wardacosta a haci un opendag na Sint Eustatius unda cu e bishitantenan por a haya un recorido riba e wardacosta Puma y e lanchanan di patruya cu wardacosta.
Tambe tabata por a mira Metal Shark mas di cerca. Despues cu Frank Boots a bolbe bek Sint Maarten e por a reuni cu prome minister Silveria Jacobs diabierna durante dia. Durante di e reunion nan a elabora riba varios punto di Guarda Costa y defensa y tambe e agenda cu tin. E bishitanan tabata un bishita valioso di trabao na e islanan di Barlovento unda cu varios a discuti riba e siguridad den campo unda cu mester fortalece mas ainda e lasonan y traha hunto den Caribe.
