FeaturedLocal

AHATA a yuda 100 Supervisor Reforsa nan Habilidadnan

Atha

AHATA tin 6 aña ta ofrece tayer di CHTA Education Foundation pa desaroyo Aruba su forsa laboral
y a crea un programa especialmente pa yuda supervisor y gerente amplia nan capacidad
profesional. Pa motibo di hopi demanda, a organisa un di dos programa pa 2026, den cual 100
supervisor y gerente a participa cu hopi entusiasmo.
Cu e programa practico y interactivo, AHATA ta brinda profesionalnan cu ta interesa den crece nan
carera e oportunidad pa fortalece nan liderazgo y efectividad den maneho di ekipo. E meta ta pa
crea mas satisfaccion di empleado na trabao y mas potencial pa carera exitoso.
E tayer ta lidera pa Louise John y Suzanne Shillingford-Brooks di Talkabout & Earth Solutions, e
facilitadonan di CHTA Education Foundation. Durante e sesionnan, e participantenan ta haya
oportunidad pa comparti experiencia y desaroya habilidadnan cu nan por aplica imediatamente na
trabao cu resultado positivo.
E ceremonia di certificacion a tuma lugar dia 19 november 2026, pa reconoce e esfuerzo y
dedicacion di e participantenan.
Durante e ceremonia, Jim Hepple, Tesorero di CHTA Education Foundation, a comparti algun
palabra di aprecio y a felicita tur graduado na nomber di CHTAEF.
Presidente y CEO di AHATA, Tisa LaSorte, a entrega e certificadonan na cada persona cu a
completa e tayer. Segun LaSorte: “Ta hopi impresionante pa observa e grupo grandi di supervisor y
gerente demostra nan dinamismo y deseo di sigui mehora nan capacidad. Aruba por ta hopi
orguyoso di e personanan cu ta skohe e responsabilidad di maneho den hospitalidad y cu ta dedica
na influencia positivo riba nan ekipo.”
AHATA tin como meta pa sigui stimula desaroyo y crecemento di e forsa laboral y contribui na
carera exitoso den e industria di hospitalidad di Aruba. AHATA ta aprecia e aliansa cu CHTA
Education Foundation y e compromiso di su miembronan pa sigui inverti den nan ekipo y den e
futuro di e industria di turismo di Aruba.

Related posts

Ougùstùs Kaya Kaya Festival ta tuma lugá den kayanan di Otrobanda

EA News Author

Wardakosta di Karibe na Boneiru

EA News Author

Proyecto Plataforma Folklore den Sector Turistico

EA News Author

Leave a Comment

Whatsapp Message