Djasabra 22 di novèmber 2025, tabatin e di dos edishon di Feria di Koriente di Entidat Públiko Boneiru. Na e feria tabatin diferente kompania lokal manera Kooyman, Blue Sky Solar, Dynaf, Akkermans Auto Parts i Qredits. Direktorado di Komunidat i Kuido tambe tabata presente pa duna informashon tokante e kompensashon di koriente.
Tabatin un kantidat grandi di persona ku a bishitá e diferente stèntnan pa risibí informashon tokante energia i kon por usa esaki na un manera efisiente. Durante e anochi a rifa tambe diferente premio bou di e bishitantenan manera, 2 èrko, 2 wasmashin, 2 frishidèr i tambe un instalashon di panel solar.
David Lee Winklaar, kordinadó di e proyekto, ta mira bèk riba un dia interaktivo i yená ku informashon. “Nos sa ku ainda nos no a yega, pero esaki ta djis un di e pasonan den hopi mas ku nos komo direktorado lo bai tuma. Komo komunidat no ta tur ora nos tin influensia riba e preis di koriente, pero loke ku sí ta den nos man, ta vários manera práktiko kon nos por usa ménos koriente. Pero pa medio di aktividatnan manera e feria akí, nos ke krea mas konsientisashon den nos komunidat.”
Feria di Koriente ta forma parti di e proyekto You’ve got the power, ku ta un inisiativa di Direktorado di Komunidat i Kuido pa sigui krea konsientisashon den komunidat riba uso di koriente. E meta prinsipal ta pa yuda komunidat spar riba uso di koriente i baha gastu di koriente.
Direktorado di Komunidat i Kuido ta gradisí kada un di e kompanianan ku a partisipá na e feria akí.
Press release: Gobièrnu di Boneiru
