Edificio nobo di WEB a yega e punto di mas halto

Water- en Energiebedrijf Bonaire (WEB) a alcansa un paso importante pa loke ta trata construccion di e oficina principal na Caminda Djabou.

Esaki tabata motibo pa celebracion diabierna ultimo pa gerencia y empleadonan di WEB. Otro for di e tradicion local, e CFO di WEB, Joanne Balentien Nicastia a basha biña y cerbes sin alcohol riba e punto di mas halto.

Construccion di un oficina principal nobo ta un tarea importante. E contratista local BONNED a logra adelanto considerabel den e proceso di construccion y a alcansa e punto di mas halto di e edificio siman pasa.

E proyecto di construccion ta mustra esfuerso di WEB pa crecemento y desaroyo riba e isla di Boneiro. Finalisacion di e oficina principal nobo lo tin diferente bentaha cu né, entre nan e ta brinda espasionan di trabou sostenibel y eficiente pa empleadonan, aumenta eficiencia operacional y miho accesibilidad pa clientenan.