Aruba a conoce su gobierno nobo y traspaso di cartera di cada ministerio a keda entrega na e minister nan nobo cu a tuma e posicion como minister den e gobierno di AVP FUTURO.
E traspaso a cuminsa cu un splicacion di e trabounan cu ta pendiente, sigui pa un recorido pa mira e oficinanan di bureau di Ministerio di Finansa y Cultura, y na final ex Minister Maduro a brinda sr. Wever un par di tips pa tene na cuenta como Minister di Finansa di Pais Aruba.
Ex Minister Maduro ta desea sr. Wever exito den gobernacion como Minister di Finansa, y ta recorda cu e lo vigila su trabou den su funcion nobo como Parlamentario di Pais Aruba.
