BonairePoliticaFeatured

Hasi uso di bo derecho di voto na elekshon pa Parlamento Oropeo

Que Es El Parlamento Europeo

Dia 6 di yüni awor tin elekshon pa Parlamento Oropeo. Ta di sumo importansha pa tur hende
laga tende nan opinion. MPB ta invitá pa partisipá den e elekshonnan akí i hasi uso di bo voto.
Dikon bo voto ta asina importante? Dor di vota, bo ta kontribuí na e prosesonan demokrátiko
ku ta di importansia pa nos isla. Bo voto ta influensiá e desishonnan ku e Parlamento Oropeo
ta tuma i tokante e futuro di Boneiru.
Union Oropeo (EU/UO) ta ofresé hopi bentaha pa nos isla manera:
1. Finansiamentu: UO ta duna sèn pa proyektonan di infrastruktura, desaroyo ekonómiko
i mehorashon di medio ambiente. Esaki ta nifiká mihó kaminda, proyekto di energia
duradero i un medioambiente mas bèrdè.
2. Akseso na merkado: Komo parti di UO, empresanan na Bonaire tin akseso na un
merkado di benta mas grandi. Esaki ta stimulá komersio i kresementu ekonómiko riba
nos isla.
3. Edukashon i treinen: Union Oropeo (UO) ta invertí den programa di edukashon i
kapasitashon profeshonal. Esaki ta duna hóben i adulto mas chèns pa desaroyá nan
mes i kontribuí na e ekonomia lokal.
4. Protekshon di medio ambiente: UO ta apoyá proyektonan ku ta enfoká riba
konservashon i protekshon di nos herensia natural úniko. Esaki ta sigurá ku Boneiru ta
keda un isla atraktivo i duradero.
5. Turismo: E kolaborashon ku UO ta promové Boneiru komo un destinashon turístiko,
loke ta kondusí na mas bishitante i entrada pa e komunidat boneriano.
6. Salú: Ku sostén di UO, nos por invertí den mihó servisionan di salubridat, i asina
mehorá e kalidat di kuido pa tur habitante.
7. Derecho humano: E Tratado Oropeo pa Derecho humano ta protehá Bonerianonan
tambe kontra violashon di derecho humano i di derecho sivil.
Laga nos tuma huntu e futuro di Bonaire den nos mes man. Hasi uso di bo derecho di voto i
bai vota dia 6 di yüni próksimo!

Related posts

Minister Xiomara Maduro di Finansa ta informa: Fitch ta ‘UPGRADE’ e credit rating di Aruba pa BB+

EA News Author

No perde speransa tin ayudo pa esnan cu tin mester di dje

EA News Author

Matrimonio di Mesun Sexo Un Lucha di Berdad Contra Mentira

EA News Author

Leave a Comment

Whatsapp Message