BonaireFeaturedInternacional

KPCN: Un operashon eksitoso di FinEC (tim Kriminalidat Finansiero Ekonómiko) i TDO (Tim Investigashon Digital)

Fraude

Na kuminsamentu di aña, Kuerpo Polisial Hulanda Karibense a risibí notifikashondi un posibel kaso di froude den un kompania di hür situá na Kaya Internashonal. E kompania aki ta atendé ku hür di bibienda na nòmber di e doñonan tantu pa plaso largu komo kòrtiku (di fakansi). Esaki tabata motibu pa e tim di Kriminalidat Finansiero Ekonómiko resientemente fundá a inisiá un investigashon pa motibu di e notifikashon. For di e investigashon a resultá ku tin sufisiente motibu pa sospechá froude i falsifikashon.
Riba djaluna, 10 di òktober 2022, bou di guia di hues komisario i Ministerio Públiko, e tim di FinEC den kolaborashon ku e tim di Investigashon Digital (TDO) di KPCN a ehekutá un búskeda den ofisinanan di e kompania, den bibienda di e doño (anterior), den un kònteiner i un ofisina di atministrashon konektá ku e kaso. Ademas a konfiská vários dokumento di atministrashon i a sigurá pista digital. E tim di FinEC ta sigui ku investigashon di e kaso.
Kresementu i desaroyo mundial riba tereno finansiero, i huntu ku esaki tambe desaroyo den kriminalidat finansiero, ta pidi desaroyo di konosementu i mas kolaborashon den e retnan riba tereno di Kriminalidat Finansiero Ekonómiko (FINEC).Kuerpo Polisial Hulanda Karibense tambe a lanta e unidat di FINEC huntu ku ‘taakaccenthouders’ i ta spera di fortalesé reshèrshi finansiero i hasi Hulanda Karibense mas seif dor di e desaroyo aki.

Related posts

Parlamentario Endy Croes: A Peticion General Pueblo ta roga pa acelera caso di corupcion di Benny Sevinger di AVP

EA News Author

Minister di Husticia y Asuntonan Social Rocco Tjon: Sosten structural pa un cuido di salud mental mas acesibel

EA News Author

Reunion entre directornan di hospital den Caribe Hulandes cu Minister di VWS Hulanda Ernst Kuipers

EA News Author

Leave a Comment

Whatsapp Message