Local

Leadership & Disaster Management Academy Tumando lugar na Cruz Cora Aruba

Img 20200131 Wa0018

ORANJESTAD,Aruba

 Cruz Cora Aruba ta cede di e “Leadership & Disaster Management Academy” cu ta tumando lugar for di 29 di januari te 2 di februari pa tur e 6 islanan di Caribe Hulandes. Representantenan di e 6 “Overseas Branches” (OSB’s) di Cruz Cora Hulanda ta comparti experiencianan y haña conocimento nobo for di expertonan di Federacion Internacional di Cruz Cora (IFRC) y tambe di otro islanan den region.

Durante e prome dos dianan di training, Branch managers a cubri practica di bon liderazgo, desaroyo di bon strategia y bon maneho cu sosten di expertonan di Trinidad & Tobago y Cayman Islands. Como un organizacion cu ta enfoca riba esnan mas vulnerabel den comunidad, ta den colaboracion cu diferente stakeholders nacional y tambe internacional y pesey tambe ta esencial pa demostra liderazgo efectivo y eficiente. Mientras cu recursonan pa provee sosten continuo den comunidad ta abou, e retonan ta keda grandi. Hañando informacion nobo y acceso na tools nobo di maneho ta permiti Cruz Cora sigui ta e clave como organizacion humanitario den e region di Caribe.  

Despues di e tres dia, e disaster managers voluntario di cada isla a join nan Branch manager. E voluntarionan aki a experiencia varios desaster den e ultimo añanan. E impacto di horcan Irma y Maria ainda ta visibel na St. Maarten.  Mas motivo ainda pa e islanan di Caribe Hulandes adapta su planes, proceduranan, fondonan y trainings na e ultimo standard internacional. Conseheronan di disaster management di Europa y Panama ta sostene voluntarionan y personal di Cruz Cora cu: Emergency Planning, International Disaster Response Laws, Needs Assessment, Information Management. Hunto nan ta traha un sistema cu ta yuda nan actua localmente pero cu recursonan tecnico riba nivel global. Diadomingo e training aki ta caba cu un simulacion teoretico. 

Invitation Press

Related posts

AHATA Environmental Committee a organisa un clean-up na Costa Norte pa Dia Mundial di Medio Ambiente

EA News Author

Departamento di Impuesto ta cla pa atende masalmente cu e cartanan di obhecion

EA News Author

Show di Musical “Mi ta un Artista “ na cas di cultura a keda posponi

EA News Author

Leave a Comment

Whatsapp Message