PoliticaFeatured

Minister Maduro ta informa: Presupuesto 2024 a bay pa CAFT duna su opinion

Presupuesto 2024 A Bay Caft Minfic

 Ta trahando pa presupuesto 2024 tambe por keda entrega na tempo na Parlamento

E presupuesto preliminar di Pais Aruba pa aña 2024 a bay dia 22 di juni pa CAFT pa asina e organo di supervision financiero por duna su opinion. Den e siman di 10-14 juli CAFT lo por saca nan conseho y Gobierno lo tin cu prepara e reaccion riba esaki cu lo wordo inclui den e Memoria di Splicacion cu lo bay compaña e concepto di Ley di Presupuesto 2024. Departamento Huridico lo por ricibi e concepto di presupuesto den e siman di 17 -21 di juli. Despues Departamento Huridico hunto cu Conseho di Minister lo por presenta e concepto na fin di juli of comienso di augustus na Raad van Advies pa asina Gobierno por haya nan conseho. Asina cu Raad van Advies keda cla cu nan conseho riba Presupuesto 2024, Gobierno ta haci e cambionan necesario y ta brinda e concepto di Presupuesto na Parlamento. Tur esfuerso ta wordo haci pa por entrega e concepto di Presupuesto 2024 na tempo na Parlamento di Aruba, manera a pasa cu Presupuesto 2023.

Si tur cos cana bon, e debate den Parlamento lo por tuma lugar den e ultimo 3 luna di aña 2023 y e Presupuesto 2024 lo por keda aproba fin di december 2023. Despues cu Gobernador firma e Presupuesto 2024, esaki ta bay pa keda publica den Landscourant pa por drenta na vigor na comienso di aña 2024.

Comunicado Minister Maduro

Presupuesto 2024 A Bay CaftPresupuesto 2024

Related posts

Parlamentario Miguel Mansur ta cuestiona Minister di Salud riba abuso di fondo publico den AZV

EA News Author

Prome Minister ta manda Simar un carta pa splica tocante FASE

EA News Author

God save the King’: Asina a corona Charles y Camilla cu un sabor mixto den pueblo

EA News Author

1 comment

Leave a Comment

Whatsapp Message