Minister di Salud Publico, Desaroyo Social y labor Omar Ottley a duna un discurso na apertura di torneo di basketball Aim High Family Community Bassketball Tournament riba diadomingo ultimo na Meldford Hazel Sports Hall na Sint Maarten.
E torneo a tuma luga pa celebra instalacion di dos luz cu a keda poni cu e donacion a bin for di Ministerio di VSA door di Asuntonan humanitario y di famia den desaroyonan comunitario _CDFHA. E obhetivo di esaki ta pa stimula diferente actividadnan comunitario di un manera positivo y saludabel.
Minister Omar Ottley tabata presente y e por a combersa cu representantenan y defensornan di trabaonan comunitario di Suckergarden na Sint Maarten, ta trata di Sr. Titus Maynard y el Sr. Omar Hazel. El Sr. Maynard y el Sr. Hazel. E grupo di personanan aki tabata esunnan cu a comunica cu e mandatario pa asina expresa nan preocupacionnan y necesidadnan pa nan por sigui haci actividadnan pa mucha y pa hobennan den e bario.
E necesidad pa tin bala y cu e cancha di basketball ta den bon condicion tabata hopi importante pa continuacion di e actividadnan cu por haci. E mandatario a haci su donacion, pero alabes a duna di conoce cu ta hopi importante pa e muchanan y e hobennan mes cuida loke nan tin pa por dura nan hopi mas largo, tanto e cancha di basketball, pero tambe e ekiponan cu nan tin mester pa por haci e deporte. E anochi mes tabatin un tremendo wega cu a tuma luga y na unda cu e ekipo di Dream Chasers lidera pa Sr. Jose Heylliger a bira Ganado. E team completo a ricibi pabien personalmente di e mandatario.