PoliticaLocal

Minister Rocco Tjon: Reunion fructifero cu fundacion anti droga Aruba (FADA)

Fada 3

Fundacion FADA y Ministerio di Husticia y Asuntonan Social ta mira e importancia di e continuacion di e proyectonan actual y ta concretisa plannan pa sigui cu e bon trabou.

 

Minister di Husticia y Asuntonan Social Sr. Rocco Tjon a sinta cu e trahadonan di FADA, caminda a tene un reunion positivo y a intercambia informacion y ideanan pa loke ta trata proyectonan cu lo wordo ehecuta a corto plaso y ideanan pa e futuro sercano. Durante e reunion aki a remarca varios topico cu merece nan debido atencion, logicamente e temanan di droga y alcohol, pero tambe e aspecto di salud mental. Mester bisa, cu a logra inverti den varios curso y training pa e trahadonan di FADA, pa asina logra amplia e parti di conscientisacion riba salud mental, cu sigur lo añadi na e metanan di FADA.

 

A base di e temanan cu a wordo delinea, FADA a logra concretisa varios plannan, cu sigur lo por conta cu e apoyo y sosten di Ministerio di Husticia y Asuntonan Social. Director di FADA, Sr. Juendel Sprok a enfatisa e importancia di e continuacion di varios proyectonan cu ta andando caba, pa asina berdaderamente por logra mira e resultado di e proyectonan aki. Minister Tjon a comparti su opinion caminda a enfatisa e importancia di continua cu plannan cu ya ta den pleno ehecucion, pa asina duna e profesionalnan e espacio pa por traha y mira e resultado di e ideanan cu nan mes a bin ta trece padilanti y pa asina logra proyectonan concreto.

Un plan cu sigur lo haya su debido atencion di ambos banda, ta e enlance entre FADA y e con pa trece conscientisacion den nos barionan, por medio di charlanan. Ministerio di Husticia y Asuntonan Social lo percura pa brinda sosten unda cu ta necesario, pa asina e proyectonan aki por sigui cana nan caminda. ‘No mester “reinvent the wheel”, laga nos expertonan traha y laganan sigui desplega e bon trabou cu nan tin ta haci’, segun Minister Tjon. FADA a mira e reunion aki cu Minister Tjon como un bon oportunidad pa por splica ampliamente tocante e historia di FADA como tambe e cambionan cu tawata tin durante e ultimo añanan.

Por ultimo por bisa cu e reunion aki sigur tabata uno fructifero, caminda a logra intercambia hopi informacion y a logra papia tocante algun preocupacionnan cu por tin. Minister Tjon a subraya e importancia di comparti tur e informacion aki, cu sigur lo crea un mihor cooperacion a base di e bon intercambio di informacion y communicacion. Por bisa cu Fundacion FADA conhuntamente cu e sosten di  Ministerio di Husticia y Asuntonan Social, lo percura pa ehecuta varios proyecton y plannan concreto cu tin riba mesa, ademas lo sigui inverti den varios punto clave, manera e parti di prevencion di alcohol den trafico y salud mental. E colaboracion sigur lo percura pa un mehoracion den tur aspecto pa FADA.

Fada 1 ScaledFada 2 Scaled

Related posts

Minister Andin Bikker: Lo start proyecto piloto cu prueba di seguro di auto digital

EA News Author

Wikipedia riba Aruba ta buscando boluntario pa hasi trabou di traduccion na Papiamento

EA News Author

Proximo Simposio tocante Solucionnan basa riba naturalesa

EA News Author

Leave a Comment

Whatsapp Message