LocalFeatured

Olympic Day Run 2023 lo por conta cu participacion di 750 mucha

Olympic Day Run 2023 Lo Por Conta Cu Participacion Di 750 Mucha
IBiSA, Comite Olimpico Arubano (COA) y Aruba Bank un bes mas ta uni pa celebra “Olympic Day 2023” diasabra 17 di juni, na e cas di deporte na Aruba esta e cede nobo di Comite Olimpico Arubano na Vondellaan.
E celebracion di e Olympic Day Run lo conta cu participacion den coremento di 200m pa 3000 meter, di mucha di varios scol preparatorio, basico y avansa. Ta recorda tur mayor pa e muchanan tey presente na e ora stipula menciona den e carta ricibi hunto cu e pakete. Pa prome biaha e Olympic Day Run lo inicia dilanti di e cede nobo di COA unda lo recori e area di Vondellaan y becindario. Riba e diasabra aki, e caminda di Vondellaan lo ta parcialmente sera for di Plaza Betico te cu Banco di Caribe. E caredanan ta bay tuma lugar den e sistema di den grupo, debi na e cantidad di participante (750), y e mihor tempo overall di e prome 3 lugarnan den cada categoria di edad pa tanto mucha muher como mucha homber ta esnan cu ta wordo premia cu medaya. E caredanan lo ta di 6or di mainta pa 10or di mainta.
Por inscribi pa cu e Olympic Day Run 2023 na e siguiente link: https://raceroster.com/events/2023/63472/ibisa-kids-and-youth-run-2023
Na final di cada careda nos muchanan y nan mayornan por disfruta di un exposicion deportivo brinda pa e diferente federacion nan deportivo cu lo expone nan deporte den forma interactivo cu nos muchanan. Esaki lo ta e ultimo actividad di deporte escolar riba e calendario di IBISA e aña aki.
IBiSA, COA y Aruba Bank ta conta riba un asistencia grandi pa celebra “Olympic Day 2023”cu e Olympic Day Run 2023.
Olympic Day Run 2023 Lo Por Conta Cu Participacion Di 750 Mucha.4Olympic Day Run 2023 Lo Por Conta Cu Participacion Di 750 Mucha.1
Olympic Day Run 2023 Lo Por Conta Cu Participacion Di 750 Mucha.3

Related posts

Resultado investigacion di morto di dos persona riba 19 juli ultimo

EA News Author

Actividad di VNO y Colegio Arubano na ocasion di Prinsjesdag

EA News Author

CARTA HABRI : E menasa pa nos pueblo di periodismo partidario y e ehempel di e programa Enfoke

EA News Author

1 comment

Leave a Comment

Whatsapp Message