Prome Orador den e di dos reaunion di tratamento di raport BO Aruba Parlamentario Marlon Sneek a duna di conoce cu a sinta cu diferente stakeholders pa raport ‘’BO ARUBA’’
Den parlamento a keda trata e Famoso Raport BO ARUBA. Un raport cu a keda traha den gobernacion di AVP dor di gabinete Mike Eman. E reunion cu a tuma luga dia 23 di September 2020 ta continuacion di e reunion cu a cuminsa den luna di Februari 2020.
Lider di fraccion di AVP tabata e prome orador y a duna di conoce cu pa nan como AVP tabata hopi importante pa por a sinta cu ARA kende ta esnan cu a traha e raport, segun Parlamentario Marlon Sneek. E motibo pa esaki ta pa parlamento haya un miho bista di kico tabata ARA su punto di salida pa cu e raoprt aki.
Parlamentario Marlon Sneek tambe ta duna di conoce cu a sinta cu diferente stakeholdesnan pa cu e raport BO ARUBA, y na momento cu ta trata di proyectonan grandi y cu ta pasa 5 aña,segun ley di contabilidad, mester bin parlamento pa controla y esaki a sosode tambe Segun parlamentario Marlon Sneek.
Sinembargo loke cu ta un realidad e tempo ey Parlamento di Aruba tabata consisti di 12 parlamentario di AVP, 8 di MEP y 1 PDR y parlamento a duna aprobacion, aunke si tur di MEP y PDR a vota contra di e raport, e raport lo keda aproba tog mirando cu 12 ta mas cu 9. Den boca di pueblo ta yama esaki un stempel parlament y den pasado a cuestiona esaki hopi tambe.