Local

Pastor Marcel Balootje: E yabi pa exito ta obedencia na Dios


Den tur cos obedencia na Dios ta bini na prome lugar. 

Hopi no ta kere,y ora nan no logra nan kier rabia, nan tin duele, y hasta ta cana cu stress, pero un cos a yega e momento pa tur hende realisa cu mester obedece Dios.(Filipensenan 2:10+11).

Y sin Dios nada ta posibel, pasobra aunke hende kier ninga di reconoce Dios, of bo ta bisa cu bo ta kere den bo mes, of  bo a logre pa medio di bo estudio.

Tur esey ta bini na di dos lugar, pasobra si Dios no a pone rosea di bida den bo , lo bo no por a logra nada.

Laga nos ta serio cu esaki, pasobra sin rosea of forsa di Dios nos no ta nada.

Obedencia na Dios ta nifica haci locual Dios ta bisa bo pa haci, pasobra obedencia parcial, of tarda pa obedece ta desobedencia.

Mayornan cu ta obedece Dios ta pone bendicion di Dios bini riba nan yuinan, pasobra Abraham a obedece Dios, Dios a bendiciona Isaac (Genesis capitulo 26-5).

Ora nos pone e palabra di Dios den practica nos ta obedece Dios. Ora nos entrega nos bida na Dios y kere den su yiu Cristo Hesus ta un gran acto di obedencia pasobra esey ta un beneficio cu Dios ta ofrece na nos.(Juan 3:16-19).

Den obedencia nos ta demostra Fe den Dios.(Santiago 1:6-8).

Obedencia ta mihor cu sacrificio, (1 Samuel 15:22+23)

Solamente pa medio di obedencia nos por ricibi bendicion y un bida santo( Juan 16:14+15)

Ora bo ta obediente e amor di Dios ta bini den bo ( Juan14:23)

Tene cuenta cu desobedencia na Dios ta hinca bo den caminda di scuridad, y bo por hañabo ta sirbi e maligno sin bo sa bo.

Pa medio di obedencia na Dios e Spirito di Dios lo  siña bo tur cos , pasobra prome cu ricibi algo di Dios nos mester ta obediente na Dios.( Juan 14:26).

Obedencia ta haci hende sabi, y desobedencia ta haci hende bobo y nan lo sufri perdida (Mateo7:24-27) 

Nos por biba den libertad y no den libertinahe pa medio di obedencia na Dios ( 2 Cor 3:17)

Obedencia ta trece contesta pa nos oracion.

Obedencia ta cualifica nos pa gosa di prosperidad( Job 36:11). E Palabra di Dios ta bisa lo siguiente: Si nan tende y sirbi Dios,nan lo caba nan dianan den prosperidad,y nan añanan den felicidad,ma si nan no tende,nan lo perese pa medio di spada, y nan lo muri sin conocemento.

Hende obediente no ta sirbi pica, ma ta sirbi Dios, hende obediente no ta participa na ningun clase di idolatria, di ningun forma.

Ora  bo ta obediente bo por reprende  tur clase di desobedencia, un mayor no por coregi un yiu, pa no bebe, mientras cu e mes ta burachi tur dia, pero si e yiu ta obediente na Dios, lo e mes lo aparta di alcohol, pasobra Dios lo lage mira e desobedencia den su tata.

Obedencia ta garantisa exito ( Josue 1:8).

Obedencia ta bida ( Juan 15:5).

Obedencia ta garantisa bida largo ( Efesionan 6:1-3)

Dios no ta manifesta su mes na e mundo, pero na esnan cu ta obediente na Dios, esnan cu ta tende y kere su palabra ( Juan 14;21).

Obedencia ta trece pas.

Nos mester balora obedencia na Dios, pasobra esey ta sabiduria.

Obeddencia, no ta costa placa, e ta un forma di bida.

Obedencia na Dios ta e yabi pa exito den tur cos.

Related posts

Minister Ursell Arends: Pa maneho di naturalesa lo traha di cerca cu organisacionnan ambiental

EA News Author

Nos Bandera nos Simbolo di Identidad

EA News Author

Guarda nos Costa a detene un persona ilegal trahando como dentista ilegal

EA News Author

Leave a Comment