Local

Sesion informativo pa comerciantenan tocante e online portal “BO impuesto” dia 3 di februari proximo


ORANJESTAD,Aruba

Haci bo reservacion via boi@impuesto.aw y sigura bo lugar!

Departamento di Impuesto a bin ta tene varios sesion informativo tocante ‘BO impuesto’ (BOi),
e portal pa entrega formulario di impuesto mensual completamente digital. Considerando e interes halto di nos comerciantenan pa e sesionnan aki Departamento di Impuesto ta organisa 1 extra sesion informativo dia 3 di februari proximo. Esaki lo tuma lugar na oficina principal na Camacuri y lo tin e siguiente orario:
3 di februari 2020 9:00 – 11:00 am
Por haci reservacion via mail: boi@impuesto.aw. Debi cu cupo ta limita, lo acepta maximo 2 persona pa cada reservacion.
E invitacion ta valido pa comerciantenan den tur sector incluyendo entre otro taxista, chauffeur di autobus, estilista, compositor, areglista, mecanico esnan cu tin un minimarket of ta un consehero fiscal. Pues esaki ta un oportunidad unico pa e comerciantenan ya cu durante e sesion lo tin momento pa haci pregunta tocante ‘BO impuesto’.

Gerencia di Departamento di Impuesto 30 di januari 2020

Related posts

Casonan di Covid-19 ta sigui aumenta, esnan cu ta positivo of den cuarentena mester sigui tur instruccion

EA News Author

Ricardo Croes (RED) Costo di bida ta un pandemia na Aruba

EA News Author

Academia di AVB cu van nobo pa por transporta materialnan

EA News Author

Leave a Comment