ORANJESTAD, Aruba
Dia 31 di juli Parlamento a trata un mocion di desconfiansa di fraccionnan di cualishon. E carta cu ta contene e peticion ta firma pa 4 parlamentario cu ta sostene cualishon y ta haci referencia na susedido den conseho di minister referi na situacion riba nivel di Partido y tambe opinion di un minister y su notificacion na conseho di minister. Algun parlamentario a pidi pa staten den su mayoria kita e confiansa di un minister.
Si mester sigui nos constitucion e staatregeling di Aruba, particularmente articulo 2.2 isiso 2 ta menciona cu staten ta nombra y kita un minister president of ministers, pero na momento cu staten perde confiansa den un minister e minister ta pone su puesto disponibel. Sinembargo e memorie van toelichting di nos constitucion ta splica bon cla e proposito di e articulo 2.2 isiso 2 ta duna un cuadro den cua e autoridad cu ta duna e mocion di desconfiansa ta ankra,y ta specifica e ora cu si e mandatario comporta su mes iresponsabel pa cu parlamento , e no ta bisa nada di conseho di minister y tampoco di Partido politico.
Na final di dia na momento cu un parlamentario huramenta ta un representante di pueblo y no di un Partido. Na ora un minister huramenta ta mes un cos , e ta huramenta como un mandatario cu aprobacion di parlamento y gobernador pa cumpli cu e programa di gobernacion , cu reglanan di presupuesto y contabilidad cu ta keda controla entre otro dor di parlamento
