En konekshon ku Luna di Turismo
Tourism Corporation Bonaire (TCB) ta bai organisá pa di kuater biaha un tremendo spùrtògt pa mucha relashoná ku Luna di Turismo sèptèmber próksimo. E spùrtògt ta tuma lugá riba djasabra 19 di sèptèmber 2026 entre 10 or di mainta i 12 or di mèrdia den área di Rincon City. Tin un bùs ku ta sali for di Playa pa bai Rincon pa transportá e partisipantenan.
Mucha entre 8 pa 12 aña por partisipá. Pa partisipá mester forma grupo di 5 mucha akompañá pa un adulto riba 21 aña. Pa partisipá mester pasa yena un formulario di partisipashon na TCB. Esaki ta kompletamente grátis. Último dia ku por inskribí ta djabièrnè 11 di sèptèmber 2026.
Kada grupo mester presentá un fantasia di un trahe di fruta lokal ku nan ta haña na momentu di inskripshon. E fantasia mester keda ilustrá den e paña ku nan ta bai bisti. Tin un premio pa esaki.
E spùrtògt ta konsistí di diferente sitio i área turístiko i históriko ku e muchanan tin ku bishitá, kompañá tambe ku algun aktividat rònt di esaki. Despues di e spùrtògt tur partisipante ta risibí un lùnch na Kos Bon So i un goody bag komo opsekio di TCB.
E grupo ku tin mas punto i ku yega den e tempu stipulá ta bira ganadó di e spùrtògt. Ta saka sekuensia di ganadó di e siguiente manera: di tres lugá, di dos lugá i e ganadónan apsoluto di e spùrtògt. Tin premionan atraktivo ku lo keda entregá durante e Taste of Bonaire riba djasabra 26 di sèptèmber na unda lo kulminá e luna di Turismo.
Pa mas informashon relashoná ku e spùrtògt, por tuma kontakto ku Angelo Domacasse na telefòn 717-8322.
