Preocupacion serio tocante e problematica di ilegalidad laboral na Aruba y e impacto negativo cu esaki tin riba e economia y e fondonan social di nos pais. Ta mustra cu e faboritismo aki no por sigui sin consecuencia.
E persona cu ta apoya ilegalidad, como esun cu ta acepta esaki, ta responsabel, :PUNTO” E placa cu ta circula den e circuito ilegal aki no ta sali for di e trahadornan legal ni for di e pueblo cu sí ta cumpli cu ley, pero for di ken y door di ken e ora ?
Un circulonan vicioso di mal criansa
E gran preocupacion ta dirigi riba e comerciantenan cu ta abusa di e sistema. Con nos ta yama esaki den boca crioyo ? “mal cria” door di keda busca trahado ilegal structuralmente, en bes de opta pa contracta personanan cu ta legalmente autorisa pa traha na Aruba. Mester bisa si aki no ta papia di tur comerciante, paso tin bon comerciante cu ta cumpli cu leynan di Aruba y nan ta e bon ehempel pa crea un economia fuerte y sano na Aruba.
Pero esnan cu ta actua como tal. E fenomeno aki ta crea un tipo di custumber unda cu e dunado di trabou ta motiva ilegal, busca un otro ilegal mas pasobra mi tin trabou.
Si no cuminsa actua awor e situacion lo no cambia:
“E factor ey, si nos no pone un sancion riba dj’e, nan ta keda practica y haci’e.”
Impacto riba censo, AZV y SVB