Djasabra atardi Wardakosta a señalá un kontakto sospechoso serka di kostanan di Kòrsou. Despues di a detektá e boto sospechoso, e Sentro di Operashon Marítimo di Wardakosta mes ora a dirigí un boto patruyero Metal Shark den direkshon di e boto. Na yegada di e boto patruyero na e lokalidat e Metal Shark a guiá e boto lokal na e haf di piskadó na Caracasbaai.
Na yegada na e haf e ofisialnan di Wardakosta huntu ku Duana a listra e boto di piskadó. Na bordo di e boto a enkontrá mas o ménos 130 kilo di kokaina. E droga i e dos hòmbernan yu di Kòrsou a keda entregá na Kuerpo Polisial di Kòrsou. Entretantu e droga a keda destruí.
